Urdu Sad Poem

یہ غم کیا دل کی عادت ہے ؟ نہیں تو

کسی سے کچھ شکایت ہے ؟ نہیں تو

وہ ہے ایک خواب بے تعبیر اس کو

بھولا دینے کی نیت ہے ؟ نہیں تو

کسی کے بن کسی کی یاد کے بن

جئے جانے کی ہمت ہے ؟ نہیں تو

کسی صورت بھی دل لگتا نہیں ؟ ہاں

تو کچھ دن سے یہ حالت ہے ؟ نہیں تو

تیرے اس حال پر ہے سب کو حیرت

تجھے بھی اس پے حیرت ہے ؟ نہیں تو

وہ درویشی جو تج کر آگیا تو

یہ دولت اس کی قیمت ہے ؟ نہیں تو

ہم اهنگی نہیں دنیا سے تیری

تجھے اس پر ندامت ہے ؟ نہیں تو

ہوا جو کچھ یہی مقسوم تھا کیا

یہی ساری حکایت ہے ؟ نہیں تو

اذیت ناک امیدوں سے تجھ کو

اماں پانے کی حسرت ہے ؟ نہیں تو